ຈີນ ສຳເລັດການຜະລິດຂະບວນລົດໄຟຄວາມໄວສູງ D-ເຊຍຣີ ໃຫ້ແກ່ມາເລເຊຍ
ສຳນັກຂ່າວ ຊິນຮວາ ລາຍງານໃຫ້ຮູ້ໃນວັນທີ 10 ມິຖຸນາ 2024 ຜ່ານມານີ້ວ່າ: ຂະບວນລົດໄຟຄວາມໄວສູງ D-ເຊຍຣີ ຂະໜາດລາງ
ກວ້າງ 1 ແມັດຮຸ້ນໃໝ່ ETS3 ຂອງມາເລເຊຍ ທີ່ຜະລິດໂດຍບໍລິສັດຈົ່ງເຊີ່ຈີນ (CRRC) ໄດ້ສຳເລັດການຜະລິດແລ້ວຢູ່ນະຄອນຈູ່ໂຈ່ວ,
ແຂວງຫູນານ ຂອງຈີນ ເມື່ອຕອນຄ່ຳຂອງວັນທີ 7 ມິຖຸນາ 2024 ທີ່ຜ່ານມານີ້. ນີ້ເປັນລົດໄຟຄວາມໄວສູງ D-ເຊຍຣີ ຂະໜາດລາງກວ້າງ 1
ແມັດຮຸ້ນທີ 3 ທີ່ວິສາຫະກິດຈີນ ອອກແບບຕາມຄວາມຕ້ອງການຂອງມາເລເຊຍ ຖັດຈາກ ETS ແລະ ETS2, ຈະນຳໃຊ້ຕາມເສັ້ນທາງ
ລົດໄຟລຽບຕາມແຄມຝັ່ງທະເລຕາເວັນຕົກຂອງມາເລເຊຍ ເຊິ່ງມີໄລຍະທາງປະມານ 950 ກິໂລແມັດ . ລົດໄຟດັ່ງກ່າວມີ 6 ຕູ້ 312 ບ່ອນ
ນັ່ງ, ມີຄວາມໄວ 160 ກິໂລແມັດຕໍ່ຊົ່ວໂມງ. ໃນຂະບວນລົດໄຟດັ່ງກ່າວ ໄດ້ປະກອບລະບົບຊ່ວຍຂັບເຄື່ອນແບບອັດສະລິຍະເປັນຄັ້ງທຳອິດ
ແລະ ນຳໃຊ້ເຕັກນິກການບູລະນະຮັກສາແບບອັດສະລິຍະອິກ. ໃນດ້ານ ສິ່ງອຳນວຍຄວາມສະດວກສະບາຍນັ້ນ, ຢູ່ໃນຕູ້ບ່ອນນັ່ງຊັ້ນທຸລະກິດ
ໄດ້ປະກອບຫ້ອງເກັບມ້ຽນເຄື່ອງ ເດີນທາງແບບປິດເປັນຄັ້ງທຳອິດ, ທັງໄດ້ຕິດຕັ້ງລະບົບວີດີໂອ, ລະບົບວາຍໄຟ (wifi), ສາມາດສັ່ງອາຫານ,
ສາມາດຊຳລະເງີນທາງອອນຊາຍ ແລະ ໃຊ້ບໍລິການອື່ນໆໄດ້ຢ່າງສະດວກສະບາຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 12/06/2024